October 2020

គណៈកម្មាធិការជាតិបេតិកភណ្ឌពិលោក បានទទួលកិច្ចការសំខាន់មួយពីក្រសួងវប្បធម៌ និងវិចិត្រសិល្បៈអោយដឹកនាំក្រុមការងាររៀបចំឯកសារទាក់ទងនឹងប្រាសាទបន្ទាយឆ្មារ ដើម្បីត្រៀមស្នើសុំទៅអង្គការយូណេស្កូចុះប្រាសាទនេះចូលជាសម្បត្តិវប្បធម៌ពិភពលោកនាពេលអនាគត។ ដូច្នេះ ចាប់ពីថ្ងៃទី១៩ដល់ថ្ងៃទី២៣ ខែតុលា ឆ្នាំ២០២០ ប្រធានគណៈកម្មាធិការជាតិបេតិកភណ្ឌពិភពលោក បានដឹកនាំក្រុមការងារចុះបំពេញបេសកកម្មទៅខេត្តបន្ទាយមានជ័យដើម្បីជួបប្រាស្រ័យការងារជាមួយមន្ទីរចំនួន៨ដែលក្នុងនោះរួមមាន៖ មន្ទីរវប្បធម៌ និងវិចិត្រសិល្បៈ, មន្ទីរទេសចរណ៍, មន្ទីរអភិវឌ្ឍន៍ជនបទ, មន្ទីររៀបចំដែនដី នគរូបនីយកម្ម និងសំណង់, មន្ទីរសាធារណការ និងដឹកជញ្ជូន, មន្ទីរធនធានទឹក និងឧតុនិយម, មន្ទីររ៉ែ និងថាមពល និងមន្ទីរ បរិស្ថាននៃខេត្តបន្ទាយមានជ័យ។ ការជួបប្រាស្រ័យទាក់ទងជាមួយមន្ទីរជំនាញទាំងប៉ុន្មានខាងលើគឺក្នុងបំណងប្រមូលព័ត៌មាន និងទិន្នន័យសំខាន់ៗទាក់ទងនឹងផែនការគ្រប់គ្រង និងអភិវឌ្ឍន៍តំបន់ប្រាសាទបន្ទាយឆ្មារ សម្រាប់ការរៀបចំឯកសារគ្រប់គ្រងបេតិកភណ្ឌវប្បធម៌នៅតំបន់ប្រាសាទបន្ទាយឆ្មារ និងតំបន់ជុំវិញ ក្នុងទិសដៅត្រៀមស្នើសុំទៅអង្គការយូណេស្កូដើម្បីចុះប្រាសាទបន្ទាយឆ្មារ និងប្រាសាទរណបដទៃទៀត ចូលជាសម្បត្តិបេតិកភណ្ឌពិភពលោកទៅអនាគត។ The National Committee for the World Heritage of Cambodia has been commissioned by the Ministry of Culture to lead a technical team… Continue reading គណៈកម្មាធិការជាតិបេតិកភណ្ឌពិលោក បានចុះបេសកម្មនៅខេត្តបន្ទាយមានជ័យ

លោកជំទាវ ភឿង សកុណា ចូលរួមសន្និបាតលើកទី៤៣ នៃគណ:កម្មាធិការបេតិកភណ្ឌពិភពលោក លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានដឹកនាំគណៈប្រតិភូអញ្ជេីញចូលរួមក្នុងសន្និបាត លេីកទី៤៣ នៃគណៈកម្មាធិការបេតិកភណ្ឌពិភពលោក របស់អង្គការយូណេស្កូ ដែលប្រារព្ធធ្វេីចាប់ពីថ្ងៃទី៣០ ខែមិថុនា ដល់ថ្ងៃទី១០ ខែកក្កដា ឆ្នាំ២០១៩ នៅទីក្រុង Baku ប្រទេស Azerbaijan ។ ក្នុងអង្គសន្និបាតនេះ ក៏មានកិច្ចប្រជុំពិនិត្យវាយតម្លៃលើរបាយការណ៍របស់ប្រទេសកម្ពុជា ស្តីអំពីវឌ្ឍនភាពនៃការអភិរក្ស និងអភិវឌ្ឍន៍ប្រាសាទសំបូរព្រៃគុក ដែលត្រូវបានដាក់បញ្ចូលនៅក្នុងបញ្ជីសម្បត្តិបេតិកភណ្ឌពិភពលោក កាលពីថ្ងៃទី០៨ ខែកក្កដា ឆ្នាំ២០១៧ កន្លងទៅ។