About MOWCOM

កម្មវិធីស្មារតីចងចាំពិភពលោក បង្កើតឡើងនៅឆ្នាំ ១៩៩២ ដោយអង្គការយូណេស្កូ។ រដ្ឋាភិបាលកម្ពុជាបានចេញអនុក្រឹត្យ នៅថ្ងៃទី ៩ ខែតុលា ឆ្នាំ ២០១៤ ស្ដីពីការរៀបចំ និងប្រព្រឹត្តទៅនៃគណៈកម្មាធិការស្មារតីចងចាំនៃពិភពលោក។ ក្រោយមកមានសេចក្ដីសម្រេចតែងតាំងសមាសភាព នៅថ្ងៃទី៤ ខែវិច្ឆិកា ឆ្នាំ២០១៥ ដែលមានលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ជាប្រធាន។ ដើម្បីសម្រួលដំណើរការនៃគណៈកម្មការនេះ លោកជំទាវបណ្ឌិតសភាចារ្យ បានចេញសេចក្ដីសម្រេចមួយនៅថ្ងៃទី២០ ខែមីនា ឆ្នាំ២០១៩ ស្ដីពីការបង្កើតក្រុមការងារលេខាធិការដ្ឋាន នៃគណៈកម្មាធិការស្មារតីចងចាំពិភពលោក។ នៅថ្ងៃទី៤ ខែតុលា ឆ្នាំ២០២២ មានសេចក្ដីសម្រេចស្ដីពីការកែសម្រួលសមាសភាព ក្រុមការងារលេខាធិការដ្ឋាន នៃគណៈកម្មាធិការស្មារតីចងចាំពិភពលោកជាថ្មី ដោយមាន អគ្គលេខាធិកាស្ដីទីគណៈកម្មការជាតិយូណេស្កូកម្ពុជា ធ្វើជាប្រធានវិញ និងមានការផ្លាស់ប្ដូរសមាជិកមួយចំនួន។

ឯកឧត្តម ឈុំ ម៉េងហុង

អគ្គលេខាធិកាស្ដីទីគណៈកម្មការជាតិយូណេស្កូកម្ពុជា

នឹងជាប្រធានក្រុមការងារលេខាធិការដ្ឋាន

នៃគណៈកម្មាធិការស្មារតីចងចាំពិភពលោក(គ.ជ.ស.ព)

លោកជំទាវបណ្ឌិតសភាចារ្យ ភឿង សកុណា

រដ្ឋមន្ត្រីក្រសួងវប្បធម៌ និងវិចិត្រសិល្បៈជាប្រធាន