2022

កិច្ចប្រជុំ

កិច្ចប្រជុំចំនួនប្រាំលើកដែលរៀបចំឡើង គឺដើម្បីដាក់ទិសដៅ និងលើកផែនការសកម្មភាព​ការងារដោយគិតគូរយ៉ាងល្អិតល្អន់ក្នុងការរិះរកមធ្យោបាយធ្វើយ៉ាងណា ឲ្យគណៈកម្មាធិការស្មារតីចងចាំ​ពិភពលោកមានដំណើរការកាន់តែប្រសើរ។

លើកទី១ ៖ ថ្ងៃទី១២ ខែតុលា ឆ្នាំ២០២២ ផ្ដោតលើចំណុចសំខាន់៤ ៖

• ប្រកាសមាសភាពថ្មី នៃក្រុមការងារលេខាធិការនៃគណៈកម្មាធិការជាតិស្មារតីចងចាំពិភពលោក និងការរៀបចំដំណើរការនៃការងារ។
• ពិភាក្សាអំពីការធ្វើរបាយការណ៍៤ឆ្នាំ ទាក់ទងនឹងការពិគ្រោះយោបល់លើកទី២ លើការអនុវត្ត អនុសាសន៍ឆ្នាំ២០១៥ ស្ដីពីការអភិរក្ស និងការចូលទៅកាន់បេតិកភណ្ឌឯកសាររួមទាំងទម្រង់ឌីជីថល ដើម្បីផ្ញើទៅអង្គការយូណេស្កូ។
• កិច្ចការបកប្រែជាភាសាខ្មែរ ស្ដីពីការអភិរក្សនិងការចូលអនុសាសន៍ឆ្នាំ២០១៥ «ទៅកាន់បេតិកភណ្ឌឯកសាររួមទាំងទម្រង់ឌីជីថល»។
• ពិភាក្សាលើគម្រោងរៀបចំសិក្ខាសាលា ដើម្បីផ្សព្វផ្សាយអំពីបេតិកភណ្ឌឯកសារដែលបានចុះក្នុងបញ្ជីស្មារតីចងចាំពិភពលោក និងពិនិត្យលទ្ធភាពលើការរៀបចំបញ្ជីថ្នាក់ជាតិ ដើម្បីតៀមនឹងចុះបញ្ជីតំបន់/អន្តរជាតិនាពេលអនាគត។

លើកទី២ ៖ ថ្ងៃទី៣១ ខែតុលា ឆ្នាំ២០២២ ផ្ដោតលើចំណុចសំខាន់ពីរ ៖

• ការរៀបចំសិក្ខាសាលាផ្សព្វផ្សាយ អំពីបេតិកភណ្ឌឯកសារ ដែលបានចុះក្នុងបញ្ជី «ស្មារតីចងចាំពិភពលោក» និងរំលឹកខួបលើកទី៣០ឆ្នាំនៃការបង្កើតកម្មវិធី ស្មារតីចងចាំពិភពលោក
• តាមដានរបាយការណ៍សកម្មភាពអំពីបេតិកភណ្ឌឯកសារដែលបានចុះបញ្ជីហើយ

លើកទី៣ ៖ ថ្ងៃទី២១ ខែវិច្ឆិកា ឆ្នាំ២០២២ កិច្ចប្រជុំពិភាក្សាស្ដីពីការរៀបចំធ្វើសិក្ខាសាលាផ្សព្វ-​ផ្សាយអំពីបេតិកភណ្ឌឯកសារដែលបានចុះបញ្ជីក្នុង «ស្មារតីចងចាំពិភពលោក» និងរំលឹកខួប​លើកទី៣០នៃការបង្កើតកម្មវិធីស្មារតីចងចាំពិភពលោក។ ក្នុងនោះមាន៖

• បែងចែកកិច្ចការមួយចំនួនដែលត្រៀមនឹងរៀបចំក្នុងកម្មវិធី
• សម្របសម្រួលកិច្ចការដែលបានធ្វើរួច និងដោះស្រាយបញ្ហាផ្សេងៗដែលនៅសល់។

ទស្សនកិច្ចដល់ទីតាំង

ក្រៅអំពីកិច្ចប្រជុំ ឯកឧត្តម ឈុំ ម៉េងហុង ក៏បានដឹកនាំក្រុមការងារ ធ្វើទស្សនកិច្ចដល់ទីតាំង​រក្សាបេតិកភណ្ឌឯកសារដែរ គឺ៖

• នៅថ្ងៃទី០៣ ខែវិច្ឆិកា ឆ្នាំ២០២២ ទស្សនកិច្ចនៅបណ្ណាល័យជាតិ មជ្ឈមណ្ឌលសោតទស្សន៍បុប្ផាណា និងវត្តឧណ្ណាលោម ក្នុងគោលបំណងស្វែងយល់អំពីកិច្ចការអភិរក្ស និងថែរក្សាបេតិកភណ្ឌ​ឯកសាររួមមាន សៀវភៅ ក្រាំង សាស្ត្រា និងឯកសារសំឡេង ដែលមានតម្កល់ទុកនៅទីនោះ។